طلاب وخريجي كلية غزة عاوزاكم شوي

وجه القمر

السلام عليكم

انا مغلباكم دايما سامحوني

بس بدي استفسر شوي عن نظام الكلية

كيف دراستها حلوة ولا موش

صعبة ولا لا

شو المجالات الحلوة فيها

اصلها اختى حكتلى اسألى لى على التخصصات اللى فيها

هيا علمى ومعدلها 88.7

_________________

pretty_girl

خليها تدرس تجارة وادارة مكاتب وهيا مغمضة عنيها
نصيحة يعني
وادعيلي

وادا بدك التخصصات الي نازلة السنة هاي بقولك اياها
بس التجارة احسن اشي واكتر تخصص مطلوب

زائر

من وجهة نظري هي روضة ^^
لكن مستوى التعليم فيها منيح

على كلا انا رايح يوم الاربعاء عالجامعة و هروح عالكلية عشان اجيب منهم طلب التسجيل

افضل اقسام فيها الاقسام التجارية و الالكتورنيات والاتصالات
نصيحة مجرب
ابعدي عن البحرية ^^
انا واحد منهم ^^

الشاعر

كلام ماجستي حلو
عالعموم البحرية كانت السنة هاي اخر سنة الها وما راح يكون بحرية بعد هيك
هلأ تعليمها قوي وصعب بس كويس
نظامها نظام مدرسة
بس دبلومها كويس كتير
تخصصاتها حلوة بس اللي احسن التجارة وكمان الالكترونيات بس صعبة
للوظيفة التجارة أضمن
تحياتي الك قمر
سلامي
الشاعر

زائر

خلوني اشارك

الكلية زي ما حكي ماجستي روضة بس والله حلوة وقضينا فيها ايام حلوة كتير كتير

وياريت لو تنعاد تاني

ع العموم انا بنصح اختك انها تفوت بس الاقسام التجارية والي بتتكون من 4 اقسام وبس تختار من 4 فقط 2 يا سكرتاريا تنفيذية او تجارة وادارة المكاتب لانهم اروع واحلي قسمين بالكلية اوعي تقرب علي قسم التجارة والمتاجرة او الادارة المالية ومصرفية لان انا درست تجارة ومتاجرة وتورطت فيها وياريتني ما درست لان ما في الهم وظايف ومش معترف بالقسم هي الي خلصو بسندو حيطان

هي تدخل ادارة مكاتب وتتوكل علي الله وتجيب الاولي عالقسم وتتوظف بالانا يلا خليها تورح
بلاش تنتهي فترة التدريب

طبعاً في قسم يعني ما بعرف عنه كتير الي هو تكنولوجيا بالحاسوب

موفقة

مسك

فيه كتير تخصصات حلوة ومنيحة والها مستقبل وبتقدر تكمل دراسة عليها
زي ما حكو اكتر اشي مطلوب هالايام تجارة وادارة مكاتب
او ممكن تدرس علاج طبيعي كتير حلو
بس بانصحها تبعد عن تخصصين
برمجيات وتجارة ومتاجرة
انا نصحت ومليش دعوة
تحياتي الها وبالتوفيق

_________________

أحبُّك جِدّا وأعرِفُ أنّي أعيشُ بِمنفَى وأنْت بمنْفى

وجه القمر

بجد اسعدني مروركم كتيييييييييييييييييييير

مشكوورين على الافادة

وان شاء الله حيكون الى زيارة انا واختى عالكلية لنشوف كيف

وهيا حرة عاد^^

ولو انها بتزنننننننن بدها بصريات بالاسلامية بس انا مش مشجعاها

ربنا يسهل

مشكوورين كتير رحال وماجستي ومسك وبريتي والشاعر

يعطيكم الف عافية

_________________

**القيصر**

ما بعرف اذا خلص الموضوع وحسمتي موضوعك قمر

بس انا بصراحة ما عجبتني كتير ردود الأعضاء لما يقولوا روضة

هادي كليتنا وإلها علينا فضل كبير ولازم نحكي الصحيح

نظام الكلية:

دوام من الـ 7:15 إلى 13:15 انا هيك ذاكر

نظام حصص مو محاضرات، حوالي سبع حصص في اليوم

في نص النهار بتيجي فترة الميلز او الفورسة كنا نحكي عنها في المدرسة

وهي فترة الوجبة اللي بستلموها الطلاب من المطبخ والنزول لساحة الكلية والكافتيريا ومن هالحكي

باختصار نظام مدرسة، حضور وغياب وحصص ومثل هيك حكي.

وهادا الشي لمصلحة الطالب بالدرجة الأولى، تعليم قوي جداً وكمية معلومات رهيبة. غير هيك

التقليل والحد من الاختلاط اللي مالو لزوم بين الشباب والصبايا.

بالنسبة للتخصصات السنة هادي ما فيها علاج طبيعي على حسب ما بعرف انو اللي فيها كالتالي

تجارة وإدارة مكاتب
تجارة ومتاجرة
سكرتاريا تنفيذية
إدارة مالية وبنوك
صحة وسلامة مهنية
تكنولوجيا حاسوب
إلكترونيات صناعية وتكنولوجيا حاسوب
تصميم أزياء
تصنيع غذائي
ميكاترونيكس
هندسة مدنية
هندسة معماري
تصميم جرافيك

هادا اللي ذاكرو

شو احسن تخصصات، مثل ما حكو الشباب التجارة وإدارة المكاتب والسكرتاريا التنفيذية

مو كويسين لأنو باقي التخصصات عاطلات، لا ، بل لأنو في شروط الوظائف بدهم التخصصات هادي بالإسم

مع انو ما في فرق كتير في المواد اللي بدرسوها باقي التخصصات التجارية لكن إسم التخصص هو المشكلة

وغير هدول الأقسام اانا بقول العلاج الطبيعي بس ما في السنة هادي، وقسم تكنولوجيا الحاسوب

بسمع انو مجالهم كويس كتير.

ونصيحة لأختك تسجل تجارة او سكرتاريا وبعد هيك تكمل بكالوريوس براحتها، بتكون متوظفة وماشاء الله عليها

والصح انو الواحد يبدا بدبلوم ويطلع السلم من أوله.

وبالنسبة للمدرسين فهم من خيرة المدربين، واذا بدك شرح مفصل اكثر عن قسم التجارة وإدارة مكاتب

وعن مدربين القسم وعن مواده أنا جاهز

_________________

احلى هدية من أحلى ذوق وأغلى ناس .... MisS gardi
كبسة زر على التوقيع وادخل عالمي الخاص

**المايسترو**

كلام القيصر عين العقل

بس يا قيصر السنه هادي ما فيها هندسة مدني بس معماري

عموما يا قمر انا بقلك الهندسة المعماري كتييييييييييييير روعة

انا الحمد لله خلصت قبل شهر ونص وهيني بشتغل الحمد لله قبل ما اخد الشهادة

بس علشان بنت ما بنفع لانه الهندسة انا بشوف انها للشباب اكتر من البنات

لانه البنات ما الهم على البهدلة والشمس والوقفة بين العمال

واحنا هيك كل شغلنا

اما زي ما حكولك انه أفضل شي انها تفوت أحد اقسام التجارة

أو تصميم أزياء ههههههههه وتطلع خياطة

الله يوفقها انا عارف الفترة هادي بتكون كتيييييييير مزعجة لانه الواحد بيكون كتييييييير متردد

_________________

المتــ بالعشق ــيم

_________________